Дзяржаўны
каталог Музейнага фонду
Рэспублікі Беларусь
Навіны музейнага жыцця  /  Музейныя вандроўкі. Музей-сядзіба «Пружанскі палацык»

Музейныя вандроўкі. Музей-сядзіба «Пружанскі палацык»


 Пасля апошняга падзелу Рэчы Паспалітай  сядзіба перайшла ва ўласнасьць Румянцавых  і уяўляла сабою даволі вялікі гаспадарчы комплекс. У склад сядзібы ўваходзілі панская хата і 5 дваровых пабудоў. З паўночнага і заходняга боку прымыкаў зялёны масіў.

Пасьля пераходу ва ўласнасьць Швыкоўскіх сядзіба займела іншы выгляд. Быў пабудаваны новы двухпавярховы жылы дом з сасновага брусу.

Атрымаўшы пасля смерці бацькі ў 1843 маёнтак ва ўласнасць, маршалак Валенці Швыкоўскі заняўся далейшай рэканструкцыяй комплексу. Ён збудаваў у сваім маёнтку два заводы: бровар і цагельню, якая вырабляла цэглу і для перабудовы палацыку. Пры ім сядзіба займела той выгляд, які яна мае ў цяперашні час. Гэта праект вядомага польскага архітэктара Францішка Ланцы, вызначаецца як італьянская вясковая віла ў змешанным стылі (мадэрн і неарэнесанс).

У 1863 годзе маёнтак быў канфіскаваны за падтрымку Швыкоўскім паўстанцаў. Але ўжо ў 1867 маёнтак быў вернуты ўладальніку.

У 1895 годзе састарэлы Валенцы прадаў сядзібу графу Ўладзімеру Кляйнміхелю. Ягоная дачка Вера (у шлюбе Джамбакурыян-Арбэліяні, 18771948) наследвала сядзібу, але  ў ёй не жыла, а здавала ў арэнду. Пасля Кастрычніцкай рэвалюцыі гаспадыня эмігравала ў Парыж.

За польскім часам у сядзібе размяшчалася павятовае староства, у вайну — штаб генерала Гудэрыяна, інтэрнат нямецкіх афіцэраў. Па прыходзе Саветаў тут спярша быў створаны інтэрнат агратэхнічнай вучэльні, пасля даследчая аграбіастанцыя (з пачатку 60-х), дзіцячы садок (да 1986), стаматалагічная лякарня. З 1989 — на рэстаўрацыі.

24 ліпеня 1993 года на аснове збораў пружанскага краязнаўчага аб’яднання «Спадчына» быў адкрыты раённы краязнаўчы музей у будынку бібліятэкі па вуліцы Свабоды.

У 1998 годзе музей перамясціўся ў іншае памяшканне — былую сядзібу Швыкоўскіх у мескім парку. 19 чэрвеня 1999 года адбылося ягонае ўрачыстае адкрыццё.
Перайсці да выставы
Болей інфармацыі аб музее шукайце тут:  http://museum.pruzhany.by


30.12.2015




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009