Дзяржаўны
каталог Музейнага фонду
Рэспублікі Беларусь

Навіны музейнага жыцця



01.11.2012 |  Віртуальная выстава "Паралелі. Купала і Колас"
  У 2012 годзе Беларусь адзначае 130-годдзе з дня нараджэння класікаў беларускай літаратуры, знакамітых песняроў, народных паэтаў Янкі Купалы і Якуба Коласа. Сваімі творамі яны ўзнялі беларускую літаратуру на сусветны ўзровень, выявілі незвычайную сілу і творчую моц беларускага слова.

  Імёны Янкі Купалы і Якуба Коласа ў нашым уяўленні заўсёды звязаны паміж сабой. Такія своеасаблівыя “пары” – вядомая заканамернасць у сусветнай літаратуры: Гётэ і Шылер – у нямецкай, Пушкін і Лермантаў – у рускай, Бальзак і Стэндаль – у французскай.

 Лёсы пісьменнікаў настолькі цесна пераплецены, што можна ўбачыць нават сімволіку жыццёвых датаў: нарадзіліся абодва паэта ў адзін год – 1882, пазнаёміліся, калі абодвум было роўна 30, столькі ж гадоў цягнулася іх знаёмства. 

 На выставе прадастаўлены прадметы са збораў Дзяржаўнага літаратурнага музея  Янкі Купалы і Дзяржаўнага літаратурна-мемарыяльнага музея Якуба Коласа. 
 Гэта - асабістыя рэчы Я. Купалы і Я. Коласа; прадметы, якія даюць уяўленне аб
нараджэнні, дзяцінстве і юнацтве пісьменнікаў;
пачатку іх літаратурнай дзейнасці
;
сустрэчы ў 1912 г.;
іх асабістым жыцці;
пошуках сваіх шляхоў у літаратуры;
актыўнай літаратурнай і грамадскай дзейнасці ў 1920-х гг.;
супярэчных і складаных 1930-х гг.;
апошніх гадах жыцця.
 

01.11.2012 |  Выстава аднаго дня. 1 лістапала - Міжнародны дзень вегана
 Сусветны дзень вегана - свята, якое з'явілася 1 лістапада 1994 года, калі Веганскае таварыства адзначала сваё 50-годдзе.
   Веганізм (веганства) - лад жыцця, які характарызуецца, у прыватнасці, строгім вегетарыянствам. Веганы - прыхільнікі веганізма - харчуюцца і карыстаюцца толькі расліннымі прадуктамі. Веганы - гэта строгія вегетарыянцы, якія не толькі выключаюць са свайго рацыёну мяса і рыбу, але выключаюць і любыя іншыя прадукты жывёльнага паходжання - яйкі, малако, мёд і таму падобныя прадукты. Яны не носяць адзенне са скуры, футра, воўны і шоўку і, больш за тое, не карыстаюцца прадуктамі, якія тэстуюцца на жывёлах.
   Прычыны адмовы могуць быць рознымі, але асноўная - гэта нежаданне мець дачыненне да забойства жывёл і жорсткага абыходжання з імі.
   На выставе можна пазнаёміцца з творам Міхаіла Андрэевіча Савіцкага  "Дзяўчына з капустай", які зхоўваецца ў зборы Нацыянальнага мастацкага музея Рэспублікі Беларусь.



28.10.2012 |  Выстава аднаго дня. 28 кастрычніка - Дзень аўтамабіліста і дарожніка Рэспублікі Беларусь
  З 1995 года ў Беларусі Дзень аўтамабіліста і дарожніка адзначаецца штогод у апошнюю нядзелю кастрычніка. Гэты дзень стаў ўсенародным прызнаннем заслуг транспартнікаў ў развіцці эканомікі Беларусі.
   На віртуальнай выставе, прысвечанай гэтаму святу, прадстаўлены аўтамабіль Шэўрале 1930-х гг., які належаў Янку Купалу.

25.10.2012 |  Выстава аднаго дня. 25 кастрычніка - Свята млынароў Беларусі
  25 кастрычніка ў Беларусі адзначаюць Свята млынароў.
  Млынароў
здаўна паважалі і шанавалі, бо млынар - адзін з галоўных людзей у вёсцы і таму гэта свята лічыцца адным з важнейшых вясковых святаў.
  
Вадзяныя млыны з'яўляюцца на тэрыторыі Беларусі ўжо ў ХІІ-ХІІІ стст. першапачаткова ў гаспадарках князёў і манастыроў. Іх распаўсюджванне магло адбыцца пад уплывам заходніх суседзяў, напрыклад, у палякаў вадзяныя млыны вядомы з XII ст. У Статуце 1529 года маецца асобны артыкул, прысвечаны ўрэгуляванню пытання будаўніцтва вадзяных млыноў.
   
Ветракі распаўсюджваюцца на Беларусі значна пазней. Вялікі рост іх колькасці фіксуецца ў другой палове XIX ст. Больш за ўсё іх было ў паўднёвай Беларусі.
   
З млынамі былі звязаны загадкавыя павер'і і старажытныя міфічныя ўяўленні. Лічылася, што ў жорнах жылі духі-памочнікі, якія ўмелі хутка круціць млынарныя лопасці ў бязветранае надвор'е. А саміх млынароў часта лічылі
ведзьмакамі.
  На віртуальнай выставе прадстаўлены жорны з Карэліцкага раённага краязнаўчага музея і Гудзевіцкага дзяржаўнага літаратурна-краязнаўчага музея, а таксама ветракі з Беларускага дзяржаўнага музея народнай архітэктуры і побыту.

15.10.2012 |  Выстава аднаго дня. 15 кастрычніка - Міжнародны дзень сельскіх жанчын
  Міжнародны дзень сельскіх жанчын штогод адзначаецца 15 кастрычніка, пачынаючы з 2008 года. Ён быў абвешчаны Генеральнай Асамблеяй ААН у рэзалюцыі «Паляпшэнне становішча жанчын у сельскіх раёнах».
  Сельскія жанчыны складаюць больш за чвэрць насельніцтва зямнога шара. Яны адыгрываюць вядучую ролю ў вытворчасці прадуктаў харчавання, у развіцці сельскіх раёнаў. Але, нягледзячы на ​​гэта, яны часта не маюць магчымасці абараніць сваё права на зямлю, атрымаць доступ да жыццёва важных паслуг, такіх як медыцынскае абслугоўванне, крэдыты або адукацыю. Іх жыццёва важны ўклад у грамадскае жыццё ў многіх краінах застаецца незаўважаным.
  Міжнародны дзень сельскіх жанчын павінны нагадаць грамадству, наколькі яно абавязана сельскім жанчынам, наколькі каштоўная іх праца. Правядзенне гэтага дня разглядаецца як практычны шлях атрымання грамадскага прызнання і падтрымкі шматграннай ролі сельскіх жанчын.
   На віртуальнай выставе прадстаўлены адзін экспанат - сувенір у выглядзе жанчыны з кошыкам, з якога выглядае галава гуся. Сувенір належаў Уладзіміру Сямёнавічу Караткевічу (1930-1984), а зараз захоўваецца ў Дзяржаўным музеі гісторыі беларускай літаратуры.

14.10.2012 |  Выстава аднаго дня. Матулям прысвячаецца
  "Мама" - гэта першае слова, якое мы вымаўляем. Матуля... Першы чалавек, які сустракае нас у гэтым свеце. Матулечка... Калі мы робім першыя крокі, мы трымаемся за яе руку. Маці пастаянна засцерагае і абараняе сваіх дзяцей, атуляе іх клопатам і пяшчотай. Менавіта пра іх і для іх Цэнтр Дзяржаўнага каталога Музейнага фонду Рэспублікі Беларусь падрыхтаваў віртуальную выставу "Матулям прысвячаецца".
  З 1996 года 14 кастрычніка ў Беларусі адзначаюць свецкае свята - Дзень маці. Дата гэтая невыпадковая, бо у гэты дзень увесь праваслаўны свет адзначае свята Пакрова Прасвятой Багародзіцы. У аснову гэтага свята пакладзена паданне пра з'яўленне Божай Маці ва Улахернскім храме ў абложаным Канстанцінопалі ў 910 годзе. Як сказана ў паданні, у тую ноч людзі, якія сабраліся ў храме, шчыра маліліся аб збаўленні Канстанцінопаля ад пагрозы нашэсця мусульман. Калі, здавалася, надзея ўжо знікла, людзі паднялі ў неба вочы і ўбачылі Прачыстую Дзеву, якая ішла па паветры ў атачэнні  анёлаў і святых. Укленчыўшы, Багародзіца доўга малілася. Затым зняла са сваёй галавы покрыва і распасцёрла яго над усімі ў храме, абараніўшы іх, як сваіх дзяцей, ад усіх ворагаў.
  На віртуальнай выставе прадстаўлены прадметы з Нацыянальнага гістарычнага музея Рэспублікі Беларусь, Дзяржаўнага музея гісторыі беларускай літаратуры, Мемарыяльнага комплексу "Брэсцкая крэпасць-герой", Беларускага дзяржаўнага музея народнай архітэктуры і побыту, Гродзенскага дзяржаўнага гісторыка-археалагічнага музея, Гродзенскага дзяржаўнага музея гісторыі рэлігіі, Брэсцкага абласнога краязнаўчага музея, Магілёўскага абласнога мастацкага музея імя П.В. Масленікава, Мемарыяльнага музея-майстэрні З. І. Азгура.

12.10.2012 |  Віншуем з Днём работнікаў культуры!
Паважаныя калегі!
Шчыра віншуем вас з Днём работнікаў культуры. Жадаем плёну і натхнення ў рабоце.

12.10.2012 |  Выстава аднаго дня. 12 кастрычніка - Сусветны дзень яйка
  У многіх краінах свету ў другую пятніцу кастрычніка адзначаецца Сусветны дзень яйка - свята ўсіх аматараў яек, амлетаў, запяканак і яечні ... Нічога дзіўнага ў гэтым няма. Бо яйкі - самы універсальны прадукт харчавання, яны папулярныя ў кулінарыі ўсіх краін і культур, дзякуючы таму, што іх ужыванне можа быць самым разнастайным.
   У 1996 годзе на канферэнцыі ў Вене Міжнародная яечная камісія абвясціла, што святкаваць сусветнае «яечнае» свята будуць у другую пятніцу кастрычніка.
   Па некаторых дадзеных, сусветным лідэрам у спажыванні яек з'яўляецца Японія. Кожны жыхар краіны Узыходзячага Сонца з'ядае, у сярэднім, па адным яйку ў дзень.
   З даўніх часоў яйка мае таксама і сакрыльны сэнс. Гэта адзін з першых рэлігійных сімвалаў, у зародку якога заключана ўсё, што калі-небудзь будзе створана. Сюжэт пра  паходжанне свету з праяйка сустракаецца ў міфах розных народаў, у тым ліку ў славян.
  На віртуальнай выставе прадстаўлены адзін прадмет - гранітнае яйка ХІІ ст. з Гродзенскага дзяржаўнага музея гісторыі рэлігіі. Яйка было знойдзена ў жаночым пахаванні каля вёскі Хаціна, Камянецкага раёна, Брэсцкай вобласці. Выкарыстанне яйка ў пахавальным абрадзе звязана з сімволікай узнаўлення жыцця і, верагодна, яно павінна было садзейнічаць уваскрэсенню памерлага ў новым абліччы.
  Таксама на сайце можна азнаёміцца з віртуальнай выставай "Велікодны падарунак. Яйкі і формы для пасхі".
 

09.10.2012 |  Выстава аднаго дня. 9 кастрычніка - Сусветны дзень пошты
  Сусветны дзень пошты - міжнароднае свята, уведзенае Сусветным паштовым саюзам у 1969 годзе. Адзначаецца ў рамках Тыдня ліста 9 кастрычніка. Сусветны дзень пошты уключаны ў пералік Міжнародных дзён Арганізацыі Аб'яднаных Нацый.
  У гэты дзень у 1874 годзе ў Берне (Швейцарыя) быў створаны Сусветны паштовы саюз. Ён стаў асноўным  элементам, які звязаў паміж сабой розныя паштовыя службы. А ў 1947 годзе ў склад Сусветнага паштовага саюза ўвайшла і паштовая адміністрацыя нашай краіны.

04.10.2012 |  Выстава аднаго дня. 4 кастрычніка - запуск першага штучнага спадарожніка Зямлі
   4 кастрычніка 1957 быў пушчаны першы ў гісторыі чалавецтва штучны спадарожнік Зямлі Спутнік-1 (бел.: Спадарожнік-1). З гэтага часу пачалася касмічная эра чалавецтва.
  На выставе прадстаўлены адзін экспанат - сувенір, у выглядзе зямнога шара са спадарожнікам. На падстаўцы з аргшкла ў форме трапецыі бірузовага колеру - гравіроўка: "Ивану Петровичу Шамякину от коллектива предприятия и клуба книголюбов "Нестерка" г.Молодечно 17.11.1978г.". Належаў Шамякіну Івану Пятровічу (1921-2004).  
 

...  6  7  8 




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009