Дзяржаўны
каталог Музейнага фонду
Рэспублікі Беларусь

Навіны музейнага жыцця



11.12.2012 |  Выстава аднаго дня. 11 снежня - Міжнародны дзень гор
  11 снежня адзначаецца Міжнародны дзень гор. Ён быў абвешчаны Генеральнай Асамблеяй ААН у рэзалюцыі, прысвечанай вынікам Міжнароднага года гор. 
  З 2003 года 11 снежня праводзяцца розныя мерапрыемствы, якія
прапагандуюць развіццё горных рэгіёнаў.
 З гэтай нагоды Цэнтр Дзяржаўнага каталога прапануе віртуальную выставу, на якой прадстаўлены фотаздымкі Закаўказзя (крэпасць Карс) пачатку ХХ ст. з калекцыі  Гомельскага палацава-паркавага ансамбля.
 

09.12.2012 |  Выстава аднаго дня. 9 снежня - Народзіны Максіма Багдановіча
  9 снежня 1891 г. у Мінску нарадзіўся будучы класік беларускай літаратуры Максім Багдановіч.
  За сваё кароткае жыццё ён выступіў як паэт, публіцыст, літаратуразнавец, перакладчык. Спадчына Максіма Багдановіча ўвайшла ў залаты фонд беларускай культуры.
  Дзяржаўны каталог Музейнага Фонду Рэспублікі Беларусь прадстаўляе віртуальную выставу з нагоды народзінаў Максіма Багдановіча. У выставу ўвайшлі фотаздымак 1911 г. з аўтографам паэта, адзінае прыжыццёвае выданне "Вянок" з дароўным надпісам "Сестрице Нюте отъ любящаго ее автора. М.Богдановичъ. 22.03.1914 г." (Літаратурны музей Максіма Багдановіча) і нож для паперы, які належаў Максіму Багдановічу (Нацыянальны гістарычны музей Рэспублікі Беларусь).   

 

30.11.2012 |  Выстава аднаго дня. 30 лістапада - Сусветны дзень сланоў
  Сусветны дзень сланоў - гэта міжнароднае свята, якое адзначаецца штогод 30 лістапада.
 Гэты дзень быў усталяваны па ініцыятыве эколагаў і неабыякавых людзей занепакоеных скарачэннем колькасці самых буйных сухапутных млекакормячых на планеце.
  На выставе прадстаўлены шкляны графін "Слон" вытворчасці Барысаўскага шклозавода імя Дзяржынскага з калекцыі Барысаўскага дзяржаўнага аб'яднанага музея.



26.11.2012 |  Выстава аднаго дня. 26 лістапада - Пачатак пераправы праз Бярэзіну
  З 26 па 29 лістапада 1812 адбывалася пераправа войска Напалеона праз раку Бярэзіна ў раёне вёскі Студзёнка.
    У выніку
напалеонаўская армія страціла больш за 21 тыс. баяздольных салдат (усяго Напалеон згубіў 35 тысяч чалавек палоннымі, параненымі, забітымі, патануўшымі і замерзлымі), а ў французскай мове з'явілася слова "Bérézina" як сінонім слова "катастрофа".
   Многія музейныя прадметы, якія адлюстроўваюць гісторыю вайны 1812 у цэлым і пераправы праз Бярэзіну ў прыватнасці, захоўваюцца ў калекцыі Барысаўскага дзяржаўнага аб'яднанага музея. Некаторыя з іх (паштоўкі, наверша, прэс-пап'е) прадстаўлены на віртуальнай выставе аднаго дня.

 

19.11.2012 |  Выстава аднаго дня. 19 лістапада - Дзень працаўнікоў шкляной прамысловасці
  19 лістапада ў дзень нараджэння Міхаіла Васільевіча Ламаносава святкуецца Дзень працаўнікоў шкляной прамысловасці. Гэта дата не выпадковая, бо Ламаносаў быў стваральнікам шматлікіх хімічных вытворчасцяў, у тым ліку неагранічнай палівы, шкла, фарфору, распрацоўшчыкам тэхналогіі і рэцэптуры  каляровага шла, заклаў асновы навукі пра шкло.
   Гісторыя шкла налічвае 5 з паловай тысяч год. У цяперашні час лічыцца, што радзімай шкла з'яўляецца Месапатамія, хаця да нядаўняга часу асноўным цэнтрам ўзнікнення шкларобства лічыўся выключна Старажытны Егіпет.
  
На віртуальнай выставе, прысвечанай Дню працаўнікоў шкляной прамысловасці прадстаўлены шкляныя вырабы ХІІ - ХХ стст. з калекцый Гомельскага палацава-паркавага ансамбля, Гродзенскага дзяржаўнага гісторыка-археалагічнага музея і Барысаўскага дзяржаўнага аб'яднанага музея.

Стекло, без которого в настоящее время нельзя обойтись почти ни в одной области человеческой жизни и деятельности, было получено свыше пяти тысяч лет назад. Древнейшие образцы изделий из стекла, дошедшие до нас, имеют египетское происхождение.

Источник: http://www.calend.ru/holidays/0/0/212/
© Calend.ruСтекло, без которого в настоящее время нельзя обойтись почти ни в одной области человеческой жизни и деятельности, было получено свыше пяти тысяч лет назад. Древнейшие образцы изделий из стекла, дошедшие до нас, имеют египетское происхо
Михаил Васильевич Ломоносов

Источник: http://www.calend.ru/holidays/0/0/212/
© Calend.ru

16.11.2012 |  Выстава аднаго дня. 16 лістапада - Дзень беларускай лялькі
     З 2010 года 16 лістапада прынята лічыць Днём беларускай лялькі.
  У сувязі з гэтым
Цэнтр Дзяржаўнага каталога Музейнага фонду Рэспублікі Беларусь падрыхтаваў віртуальную выставу аднаго дня, на якой прадстаўлены дзве саламяныя лялькі з калекцый Уздзенскага гісторыка-краязнаўчага музея і Магілёўскага абласнога краязнаўчага музея імя Е.Р. Раманава і цацка "Мішка Васенька", якую падараваў Максім Багдановіч сваёй двухгадовай пляменніцы Кунцэвіч Наталлі з калекцыі  Літаратурнага музея Максіма Багдановіча.


15.11.2012 |  Выстава аднаго дня. 15 лістапада - Міжнарожны дзень адмовы ад палення
  Штогод у трэці чацвер лістапада ў большасці краін свету адзначаецца Міжнародны дзень адмовы ад палення. Ён быў заснаваны Амерыканскім анкалагічным таварыствам у 1977 г.
  
Мэта Міжнароднага дня адмовы ад палення - садзейнічаць зніжэнню распаўсюджанасці тытунёвай залежнасці, уцягванне ў барацьбу супраць палення ўсіх слаёў насельніцтва і дактароў усіх спецыяльнасцяў, прафілактыка тытунепалення і інфармаванне грамадства аб гібельным уздзеянні тытуню на здароўе.
  
15 сакавіка 1496 г. карабель другой экспедыцыі Калумба «Эль Ніньё» прывёз у Еўропу высушанае лісце спецыяльнай травы для палення. Трава была «родам» з правінцыі Табаго і была прадстаўлена еўрапейцам пад назвай «табака». Беларуская назва 
«тытунь» паходзіць з турэцкай мовы, адкуль ён і патрапіў на нашы землі ў XVI ст. Праз стагоддзе пасля адкрыцця Амерыкі тытунь ўжо вырошчвалі ў Бельгіі, Іспаніі, Італіі, Швейцарыі і Англіі.
  
Адной з прычын такога хуткага распаўсюджвання тытуню стала глыбокае перакананне тагачасных людзей у лекавых уласцівасцях тытуню. Тытунем лячылі мігрэні, зубны боль, боль у касцях, страўнікавыя
расстройствы...
  
Ужо ў XVI стагоддзі ўрады розных краін спрабавалі змагацца з тытунепаленнем. У Англіі, Асманскай імперыі і на Русі нават прымянялі смяротнае пакаранне.
  У калекцыях беларускіх музеяў маюцца самыя розныя прадметы, звязаныя з ўжываннем тытуню. Некаторы з іх трапілі на віртуальную выставу, прысвечаную Дню адмовы ад палення. Гэта этыкеткі ад папярос, скрынкі для запалак і тытуню
, люлькі і парсігар з фондаў Нацыянальнага гістарычнага музея Рэспублікі Беларусь, Брэсцкага абласнога краязнаўчага музея, Гродзенскага дзяржаўнага гісторыка-археалагічнага музея, Гродзенскага дзяржаўнага музея гісторыі рэлігіі і Музея гісторыі горада Мінска.


14.11.2012 |  Выстава аднаго дня. 14 лістапада - Дзень каваля ў Беларусі
   14 лістапада ў Беларусі адзначаецца народнае свята Кузьмы - апекуна кавалёў. Таму гэты дзень лічаць яшчэ і прафесійным святам гэтых майстроў - Днём каваля.
  
Майстэрства каваля патрабавала ведання даволі складаных тэхналагічных працэсаў, таму і не заўсёды было зразумела іншым сялянам. У дадатак, з-за магчымасці ўзгарання кавалі звычайна сяліліся на водшыбе, што спараджала дадатковую загадкавасць. Таму кавалі часта лічыліся шаманамі, пазней - ведзьмакамі, звязанымі з д'яблам, цёмнымі сіламі (аналагічнае стаўленне было і да мельнікаў, якія таксама сяліліся асобна і мелі справу з тэхнікай).
  
З-за таго, што кавалі раней іншых вылучыліся з агульнай масы народа, і з-за таго, што звычайна каваль быў паважаным, дастаткова забяспечаных чалавекам, адно з самых распаўсюджаных прозвішчаў у свеце заснавана на гэтай прафесіі - рускае прозвішча Кузняцоў, а таксама Каваль, Кавалёў, Кавальчук
(бел.), Каваленка (укр.), Кавальскі, Кавальчык (польск.), Сміт (анг.), Шміт (ням.), Лефевр, Феран (фр.), Эрэра (ісп.), Дарбінян (арм.) , Мчэдлідзе (груз.), Ажыба (абх.) і гэтак далей.
  На віртуальнай выставе, прысвечанай Дню каваля ў Беларусі, прадстаўлены кавальскія мяхі з калекцыі Чачэрскага гісторыка-этнаграфічнага музея і кузня з Беларускага дзяржаўнага музея народнай архітэктуры і побыту.


08.11.2012 |  Выстава аднаго дня. 8 лістапада - Суветны дзень горадабудаўніцтва (урбанізму)
   8 лістапада адзначаецца Сусветны дзень горадабудаўніцтва (ўрбанізму), заснаваны ў 1949 годзе прафесарам універсітэта Буэнас-Айрэса Карласам Марыяй дэла Паолера.
   На выставе прадстаўлены план часткі горада Гродна ў раёне вуліцы Траецкай з запраектаванымі новымі вуліцамі. План захоўваецца ў  калекцыі Гродзенскага дзяржаўнага гісторыка-археалагічнага музея.


03.11.2012 |  Выстава аднаго дня. 3 лістапада - Сусветны дзень мужчын
Сусветны дзень мужчын - свята, якое адзначаецца ў першую суботу лістапада. Яно было заснавана па прапанове М. С. Гарбачова і падтрымана магістратам Вены, аддзяленем ААН у Вене і шэрагам міжнародных арганізацый.
   Цікава, што існуе яшчэ і Міжнародны мужчынскі дзень, які штогод адзначаецца 19 лістапада. Гэты Дзень быў упершыню адзначаны ў 1999 г. у Рэспубліцы Трынідад і Табага, і з тых часоў яго святкуюць таксама ў ЗША, Вялікабрытаніі, Ямайцы, Аўстраліі, Індыі, Сінгапуры, Мальце і ў Паўднёвай Афрыцы.
  На выставе аднаго дня прадстаўлена скульптура "Франт" з калекцыі Нацыянальнага мастацкага музея Рэспублікі Беларусь.
 

1  2  3  4  5  ... 




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009