Дзяржаўны
каталог Музейнага фонду
Рэспублікі Беларусь

Навіны музейнага жыцця



22.04.2013 |  Музейныя вандроўкі. Мядзельскі музей народнай славы
     Нарачанскі край багаты на прыгожыя і цікавыя мясціны – прыродныя, архітэктурныя, гістарычныя, літаратурныя, і, каб адчуць і спазнаць усё багацце краю, спатрэбіцца нямала часу. Але ёсць месца, дзе можна даведацца пра гэтую зямлю ўсяго патроху і адкуль можна пачаць вандроўкі па Мядзельшчыне, і гэтае месца – Мядзельскі музей народнай славы


15.04.2013 |  Музейныя вандроўкі. Мемарыяльны музей-майстэрня З.І. Азгура
   У Мінску сканцэнтравана вялікая колькасць музеяў – гістарычных, мастацкіх, літаратурных, але сярод усіх ёсць унікальны – адзіны ў Рэспубліцы Беларусь манаграфічны музей – Мемарыяльны музей-майстэрня З.І.Азгура.
 

08.04.2013 |  Музейныя вандроўкі. Гродзенскі дзяржаўны музей гісторыі рэлігіі
 Гродна – адзін з найстаражытных гарадоў Беларусі. На старонках амаль дзевяці стагоддзяў яго гісторыі – дзейнасць таленавітых дзяржаўных дзеячоў і навукоўцаў, пісьменнікаў і паэтаў, мастакоў і артыстаў, узвядзенне велічных храмаў і замкаў, а таксама – заснаванне музеяў. Сярод гэтых устаноў вылучаецца Гродзенскі дзяржаўны музей гісторыі рэлігіі – адзіны ў Беларусі музей дадзенага профілю.
 

02.04.2013 |  З'явіўся даведнік "Адміністрацыйна-тэрытарыяльнае дзяленне Беларусі (ад часоў удзельных княстваў да сучаснасці)"
Паважаныя калегі! Супрацоўнікамі Цэнтра Дзяржаўнага каталога распрацаваны даведнік "Адміністрацыйна-тэрытарыяльнае дзяленне Беларусі", які ўключае інфармацыю ад часоў удзельных княстваў да сучаснасці са спасылкамі на карты. Далей...

31.03.2013 |  Музейныя вандроўкі. Жодзінскі краязнаўчы музей
     Цэнтр Дзяржаўнага каталога Музейнага фонда Рэспублікі Беларусь працягвае віртуальныя вандроўкі па музеях Беларусі. Наступны музей, з якім мы прапануем пазнаёміцця, – Жодзінскі краязнаўчы музей.


22.03.2013 |  Музейныя вандроўкі. Нясвіжскі гісторыка-краязнаўчы музей
Музейныя вандроўкі. Нясвіжскі гісторыка-краязнаўчы музей
 
   Нясвіж – горад з багатай гісторыяй, спадчынныя ўладанні рода Радзівілаў – сёння адзін з асноўных турыстычных аб’ектаў Беларусі. Зразумела, што едуць туды ў першую чаргу паглядзець палац, але за палацам без увагі застаецца яшчэ адзін вельмі цікавы па сваіх зборах Нясвіжскі гісторыка-крязнаўчы музей.

                                               Перайсці да артыкула 

22.03.2013 |  Цыкл віртуальных міні-выстаў "Музейныя вандроўкі"
  Цэнтр Дзяржаўнага каталога Музейнага фонда Рэспублікі Беларусь распачынае новы цыкл віртуальных міні-выстаў пад агульнай назвай “Музейныя вандроўкі”, мэтай якога з’яўляецца прэзентацыя музеяў Беларусі. Кожная з выстаў цыкла будзе прысвечана аднаму музею, а іх у нас не так і мала – толькі 154 у сістэме Міністэрства культуры, а колькі акрамя гэтага дакладна нават невядома. На выставах будуць прадстаўлены найбольш цікавыя прадметы з музея і невялікі расповяд пра яго. 

15.03.2013 |  Вакансіі
Паважаныя калегі!
У Цэнтр Дзяржаўнага каталога Музейнага фонду Рэспублікі Беларусь, які існуе пры Нацыянальным гістарычным музеі Рэспублікі Беларусь, патрабуецца супрацоўнік на пасаду загадчыка метадычнага сектара. Далей... 

26.02.2013 |  Выстава аднаго дня. 26 лютага - Нарадзіўся Пётр Міронавіч Машэраў
  26 лютага 1918 г. нарадзіўся Пётр Міронавіч Машэраў - беларускі і савецкі партыйны дзеяч, адзін з арганізатараў і кіраўнікоў падполля і партызанскага руху ў часы Вялікай Айчыннай вайны.
  Можна без сумнення казаць, што Машэраў сярод кіраўнікоў савецкай Беларусі быў найбольш папулярным і карыстаўся ўсенароднай павагаю. Ніхто ні да, ні пасля яго так доўга не ўзначальваў беларускую партыйную арганізацыю — 15,5 гадоў. Гісторыкі адзначаюць, што ў перыяд яго дзейнасці Беларусь дасягнула значных поспехаў у развіцці эканомікі, навукі і культуры, стала адной з высокаразвітых рэспублік былога СССР.
  Цэнтр Дзяржаўнага каталога прэзентуе новую віртуальную выставу, якая ўключае прадметы з калекцый Мемарыяльнага комплексу «Брэсцкая крэпасць-герой» і Музея баявой садружнасці беларускіх, рускіх, латышскіх і літоўскіх партызан.   


19.02.2013 |  Віртуальная выстава "Вяселле спраўляць – трэба час выбіраць"
    «Вяселле спраўляць – трэба час выбіраць» – менавіта так казалі нашы продкі маладым людзям, якія збіраліся стварыць сям’ю, бо сам’я заўсёды лічылася святым саюзам, і павагу да яе выхоўвалі з маленства. Вяселле з’яўляецца адным з самых яскравых і важных падзей у жыцці чалавека, якое змяняе яго сямейнае і грамадскае становішча, бытавы ўклад і вызначае ўсё далейшае жыццё.

    Дзяржаўны каталог музейнага фонду Рэспублікі Беларусь прадстаўляе віртуальную выставу «Вяселле спраўляць – трэба час выбіраць», куды ўвайшлі прадметы са сбораў Нацыянальнага гістарычнага музея Рэспублікі Беларусь, Нацыянальнага мастацкага музея Рэспублікі Беларусь, Дзяржаўнага музея гісторыі беларускай літаратуры, Літаратурнага музея М. Багдановіча, Дзяржаўнага літаратурнага музея Янкі Купалы, Дзяржаўнага музея гісторыі музычнай і тэатральнай культуры Рэспублікі Беларусь, Беларускага дзяржаўнага музея народнай архітэктуры і побыту, Музея сучаснага выяўленчага мастацтва, Гродзенскага Дзяржаўнага гісторыка-археалагічнага музея, Гродзенскага музея гісторыі рэлігіі, музея Максіма Багдановіча ў Гродна, Магілёўскага абласнога краязнаўчага музея Е.Р. Раманава, Гомельскага палацава-паркавага ансамбля, Мотальскага музея народнай творчасці, Брэсцкага абласнога краязнаўчага музея, Клімавіцкага краязнаўчага музея, Баранавіцкага краязнаўчага музея, Мядзельскага музея народнай славы, Карэліцкага раённага краязнаўчага музея, Нясвіжскага гісторыка-краязнаўчага музея, Гісторыка-культурнага музея-запаведніка «Заслаўе».

              Перайсці да выставы                          Перайсці да артыкула

1  2  3  4  5  ... 




© "Міністэрства культуры Рэспублікі Беларусь", 2009-2013
© Распрацоўшчык ТAA "НВФ "IНЕАК", 2009